المحلية

بتعرف شو يعني البقاع ؟

يعني رجال روسهم شامخة بالعز والكرامة
قلوبهم مليانة طيبة وحب وشهامة
لي بدوس بساطهم بصير امانة
وضيفهم الو الصدر والهم عتبة الدار
سلاحهم موجه عصدر كل معتدي وغدار
وحقهم ما بموت لو مرت الايام بضل تار
وبسهلهم وقلعتهم وعاصيهم غنو وكتبو اشعار
ولادهم بالجيش والمقاومة حمو الاوطان
هيك كان يعني البقاع
حرموهم من ابسط حقوق العيش
مياهم جفت وارضهم يبست
وجبالهم من توبها تجردت
شوي شوي نسحب من تحتهم البساط
صارو شي صور معلقة على عواميد الكهربا
وشي مهربين وتجار حشيش ومخدرات
وللعدالة مطلوبين وطفار وفقر وذل ومرض واطفالهم على المنح والاعانات على بواب المدارس والمستشفيات
واماتهم بتوب الحزن والدموع رسمت على وجوههم الصمت باسى
والباقين عاملين مسؤولين وفعاليات وزعما واحزاب
ومع كل موسم بيجو يقطفو تشريع حشيش او عفو عام او مصالحة والمطالبة بوقف تار
ليضلو يحصدو وجودهم ويضمنو نفوذهم وما يكون لغيرهم اي قرار


وجد شمص 

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق