بيروت يا ضو الشعب بالعتمة يا نهج وحضارة وموطن الروح شو عملوا فيكى شفتك مقسمة
وبإسم الدين عم تنزفي جروح وقت ال ضهرت منك وغادرت عا لقمة عيشي فتشت سافرت وقتا تركتك ارض مخضرة فيكى الامل ينزرع عابكرا وبس رجعت فتشلك عا ذكرى شفتك اليابس ال بالصحرا تارى انا اخضرك …. وإنصهرت إنتي الوجع الاكبر الصاخب… إنتي ال بإسم العيلة والصاحب إنتي الأنا يعني أنا بس إحكي إنتي اللي عاوج السما إسمك ضحكي إنتي اللي وضعك عالخريطة غالب إنتي اللي وجك ع البحر بيطل وخجل منك البحر لما يثور وحتى بالحكي عنك لما يزول بيبعت امواجو بإسمك نور تحت المطامع واللي طامع تقسمتي وشقفة وجع وضياع باقيي بعدن ماتركوا منك غير همومك بعد ماكنتي احلى من باريس وكل نواصي لندن بحلف انا بممات كل ولادك راجع حلاكي من جديد يسود وحق دم اللي رخصوا بإستشهادك بكرا ع الجبل طالعلك أسود تهتف بإسم الحق ترجع بعزك ونحتفل فيهن بإسم اللي حط وعود ولما يا قرطة بتشتهوا بكرا السماح وصراخ بكاكم ع الندم يجدي حتي بمماتكم ع الأرض مافي إنبطاح هالأرض ما بتقبل اللي يسرقا بذهدي بكرا الندم بيرجع اللي مات فيكم بكرا الحلا ما اجملو فيكم بنهدي….
إيلي رحباني
