رجوع غايب …. – هبة عبدالله
وقف يازمن عندك كفايه ياصدى الأحزان
حبيت اليوم اكتب بلكي هالقلم بجرحي يواسيني
هلكتني حكايه غريبه وأنا فتشلها عا عنوان
الي عمر اتجاهلها ودايما قلها تركيني
بدايتها بدمعة مغادر ترك اهلوا من زمان
نهايتها عن الفرقا الي بنارها تكوييني
انا مليت من حزني زهئت وداخلي تعبان
وعشقَك يا منى عيني دايم الدوم مواسيني
بكابر واذا بكيت بعجز عن حمل يصعب عأي إنسان
ماشي بعروق الدم وتنزف لو شراييني
حاجي يا قلبي تكابر ومش سئلان
وأنت الشوق هالكك وباين بعيني
غريب أمري مش هيك يا خلان
زرعت شوكي بإيدي وبدي مين يداوويني
سؤالي يا بشر أولكن انا غلطان ؟؟؟
حيران بوضعي وبدي حدا يلبيني
دموعي غرقت جفوني بحس اني بلا اوطان
غرقاني بعالم الذكرى وبدي مين يرسيني
بسمع وبكتب قصايد قلب بيصرخ بكتمان
يا اهل ويا خلان والله هجركن كاويني
تعبت وهلكني الشوق والهجران
وبعد ما مرئت الايام رجع شوقي يناديني
فراقكن صعب والاصعب ماجرى وماكان
بس المهم اليوم ودايما حبي الكن مدفيني
بلكي شي يوم بيرجع شي اسمو لبنان
وبرجع عيش بين أهلي وكل مين يعنيني
وحط راسي عصدر إمي لكلو حنان
وعا كتف بيي لي هدوا حمل السنيني
وبجيب قلمي تا ارسم بسما وطني الوان
قصيده لقاء قلتها ياما معانيها كانت تضنيني
