المحلية

سني يهاجم الحريري الصغير !

ما بيكفي عطيناك الاكثرية بالمجلس وبرمت ضهرك النا؟
ما بيكفي انو من كل فريقك السياسي الوحيدين يلي تمرجلت عليهم من عنا؟
ما بيكفي الرسائل يلي كنت تبعتها بمعارك جبل وتبانة ودفعنا ثمنها شهداء ولما خلصت رفعت ايدك ليتوقفوا شبابنا بالسجون ويتهرب يلي فجر المساجد؟
ما بيكفي تحملنا قرف وذل وتحقير بسبب خيار سياسي مش كرمال عيونك بل كرمال عيون ابوك ويا ريت قدرت هل شي؟
ما بيكفي انو عملت خطة امنية بمعيتك بس على شبابنا؟
ما بيكفي انو شحدنا الملح ومصريات الدولة نحنا مندفعهم وبيروحوا لغيرنا؟
ما بيكفي تحملنا شق الصف بالوقت يلي كل الصفوف عم تتوحد الا نحنا؟
ما بيكفي تنازلك لحزب ارهابي عم يقتل ابرياء بسوريا وبكل الوطن العربي ويمكن قاتل بيّك؟
ما بيكفي ترشيحك لشخص من غير خطك السياسي وبدك تلوم حليفك ليش لم الشمل ومد ايدو لخصمه؟
ما بيكفي حكومة اعلنت رئاستها من بيتك وجابت الزبالة لبيروت ولباقي المناطق ووزرائك فيها ما خصن بخطك السياسي؟
ما بيكفي كل شي عملته لجايه بدك تعمل مشروع مرفوض من ٩٠٪ من اهل المدينة وبدك تنزل كل القوى الامنية من جيش ودرك واجهزة لك حتى الشرطة البلدية؟
صدقني شيخ ما عاد فارقة اساساً نحنا صرنا بميلة والدولة وكل اجهزتها بميلة تانية ويمكن تعمل المرآب بس كل قرش لح يتاخد هو مال حرام وصحتين!
لا يا شيخ وقت الجد نحنا مش ولاد الجارية نحنا ولاد الست وأحلى ست! ست ما بتسكت عن ضيم ولادها لو مهما تأخر الوقت وتأكد انو هيدا اليوم لح يجي ومش مطول!!

(عمر السيد عن الفايسبوك)

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق