المحلية

نجل الأب علاوي: “إيه يا بيي انت حرامي وسرّاق ودجّال”

رد نجل رئيس جمعية سعادة السماء الأب مجدي علاوي، ماتيو علاوي، على الحملة التي طالت والده ومراكز الجمعية والاتهامات بالسرقة.

وكتب عبر “فيسبوك”، “قالوا عنّك حرامي وسرّاق ودجّال، إيه حرامي سرقت خشبة من شجرة لتعمل صليب يضل على عنقك لتتذكر وجع المسيح كرمال خلاصنا”.

وأضاف، “سرّاق إيه لأن سرقت الجوع من عقول ختيارية، رجال، نساء وأطفال هملتهن دولتنا، دجّال لأنك بتحكي بالتعايش والتسامح، دجّال لأن ما بتحكي بالدين والعرق والطايفة، دجّال لأن على عروشن بتشكّل خطر”.

وتابع، “إنت مضطهد يا بيِّ لأنك ما فرّقت، بالعكس لأنك جمعت، جمعت بإسم المحبة والعطاء، مش كرمال كرسي ومنصب، جمعت كرمال الإنسان وكرامته مش كرمال شارع وتمثال”.

وختم، “إنت يا بيِّ تركت عيلة من ٥ أفراد كرمال أخوتنا يلي عيالن تخلوا عنن، إنت يتمتنا كرمال يتيم وعجوز، بس بدّي إلك إنو نحنا منحبك، منحبك من خلال كل يتيم، كل مدمن، كل معنفة، كل متروك ومهمش، كل شخص تعب، منحبك… بيِّ وبيّ كتار، الله يطوّل بعمرك”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق